Ofbeldi

Hversu oft hefur maður ekki lesið frétt með þessari fyrirsögn og ekki hugsað út í það meir nema velt fyrir sér hvað sé eiginlega að fólki? Það er ekki fyrr en einhver nákominn lendir í svona löguðu að maður gerir sér grein fyrir hversu hræðilegur hlutur ofbeldi er og hvað það snertir marga aðra en gerandann og þolandann.

Það að einn af manns bestu vinum sé núna með brotið kinnbein, brotið nef og brákaðan kjálka og útlítandi eins og fílamaðurinn í framan bara vegna þess að einhver "geðsjúklingur" uppfullur af ranghugmyndum gerir sér lítið fyrir og brýst inn til hans og ræðst á hann sofandi með barefli er  hræðilegra en orð fá lýst! Og hvað er svo gert við svona menn? Fá líklega nokkra mánuði skilorðsbundið 2 árum seinna og geta snappað aftur hvenær sem er.

Ég legg til að það sé minni tíma og peningum eytt í að eltast við einhverja forstjóra sem kanski og kanski ekki létu kompaníið kaupa handa sér garðsláttuvél en þess í stað tekið á ofbeldi í samfélaginu af einhverri alvöru. Mér er nokk sama þó Jón Jónson hjá Torfkofatækni ehf. hafi svikið milljón undan virðisaukaskatti en mér er alls ekki sama þegar lífi og limum fólks er ógnað of ofbeldissjúkum fáráðlingum. En hver fær harðari refsinguna? Mig grunar að það sé Jón ræfillinn.

Alvarleg líkamsárás á uppstigningardag

Athugasemdir

[Thelma Ásdísardóttir, 27.5.2007 kl. 14:14]

Tek heilshugar undir með þér kæra Grumpa. Ofbeldi er viðbjóðslegur glæpur og ég skil ekki af hverju það er ekki allt kapp lagt á að vinna gegn því. Af hverju það eru aðalega grasrótarsamtök á Íslandi sem eru að berjast gegn ofbeldi og viðhorfi til þess í þjóðfélaginu okkar. Ég skil ekki af hverju það blasir ekki við ÖLLUM að það þarf að stöðva þetta með öllum tiltækum ráðum.

Hvernig getur einhverjum fundist að það sé alvarlega að svíkja undan skatti en að misþyrma einhverjum? Á þetta fólk ekki líka fjölskyldur og vini sem þeim þykir vænt um?

Kærar baráttu og bata kveðjur til vinar þíns, vonandi nær hann sér að fullu að öllu leyti.