Skemmtistaðir

Skemmtistaðir eru stór merkilegt fyrirbæri. Þar getur fólk komið saman í hópum og hagað sér eins og fífl ef því er að skipta og engum finnst það neitt sérstaklega athugavert. Þar sættir kvenfólk sig við að láta stara á sig og káfa á sér og er jafnvel til í að slengja brjóstunum framan í hvaða lúða sem er ef hann heldur á myndavél og allt kemur svo á netið daginn eftir. Oft að spá í hvort þessum dömum finnst það jafn sniðugt þá. Getur svo sem vel verið, ég er kanski bara svona old fashioned. Á skemmtistöðum finnst fólki ekkert að því að tapa sér á dansgólfinu og syngja hástöfum með gömlum Michael Jackson lögum og 2Unlimited eru bara cool

Orðatiltækið "allt er gott í hófi" á ekki við á þessum stöðum þar sem þykir ekki tiltöku mál að skvetta í sig eins og hálfri bjórtunnu ásamt öðru áfengi. Sjálfstjórn og sjálfsvirðing eru einhvernvegin ekki efst í huga margra þeirra sem sækja skemmtistaðina. Það er ekkert ömurlegra en gaurar sem hanga utan í hvaða pilsi sem þeir sjá og eru með það á hreinu að þeir séu gjörsamlega ómótstæðilegir þrátt fyrir að geta varla komið út úr sér gáfulegri setningum en "hvasegiru elsskan", eru orðnir glaseygðir og rauðir í framan með þrútin nef, hjólbeinóttir og innskeifir og búnir að týna skónum sínum eða eitthvað álíka. Kvenfólkið er svo oft ekkert skárra og eftir 12 Breezera finnst þeim svona gæjar sjálfsagt bara ómótstæðilegir! Að reyna að klöngrast um á háum hælum eftir 12 Breezera er líka alveg jafn ófoxy og maskari út að eyrum og D&G dressið gyrt oní nærbrækurnar að afta. Trúnó á kvennaklósettinu er líka alger martröð! Sérstaklega þegar  6 gellur eru búnar að loka sig inni á eina klósettinu á staðnum og helmingurinn af þeim er grenjandi og hinn helmingurinn í móðursýkikasti af því að kærastinn hafði talað við sína fyrrverandi í röð í bankanum fyrir 3 vikum síðan! Please, get a grip on yourself!!

Og hvað græðir fólk á þessu öllu saman? Jú, það endar heima með einhverjum sem það myndi ekki einu sinni vilja setjast við hliðina á í bíó undir venjulegum kringumstæðun, ekki einu sinni þó að væri búið að slökkva ljósin í salnum. Er hálf meðvitundarlaust af samkvæmisónotum (dannaða orðið yfir þynnku ) í sólarhring á eftir, hefur móðgað minnst 4 vinkonur í tilviki kvenna en verið laminn fyrir að rífa kjaft í tilviki karla, hefur eytt hálfum mánaðarlaunum á barnum, týnt skóm, símum, fötum, lyklum..., haltrar um í viku eftir að hafa dottið út úr leigubíl og lofar að gera þetta aldrei aftur. Það loforð er að vísu oftast gleymt um næstu helgi. Fólk sem sagt lærir aldrei!

 

 

Athugasemdir

[Monopoly (IP-tala skráð) 27.7.2007 kl. 10:03]

Grumpa, það kallast ritstuldur að notfæra sér sannar sögur vinkvenna sinna með svona brútal hætti - ég hefi aldrei sagt þér frá  þessu öllu ef ég hefði vitað að þær enduðu á netinu. Ég er viss um að Gözli og Satan Jarl eru sama sinnis, svo  ég tali ekki nú um hinar The Fabulous Five !!!!!!!

[Ruth Ásdísardóttir, 27.7.2007 kl. 12:02]

Það er til lausn við þessu vandamáli; AA samtökin. :)

[Grumpa, 27.7.2007 kl. 15:42]

Monopoly getur bara þakkað fyrir að það er ekkert minnst á útilegur eð mis gáfulegar (en þeim mun skemmtilegri) utanlandsferðir

[Thelma Ásdísardóttir, 27.7.2007 kl. 17:24]

Nenni þessu ekki í dag, en verð að viðurkenna að þetta gat nú alveg verið gaman...en farðu nú ekki að rifja upp eitthvað sem þolir illa dagsins ljós elsku Grumpa...annars færðu ekki að koma í næsta blúndu-umræðu-tepartíið mitt :)

[Sædís Ósk Harðardóttir, 27.7.2007 kl. 23:00]

hhaha ekkert smá góður pistill

[Maja Solla (IP-tala skráð) 27.7.2007 kl. 23:24]

Mikið gasalega er ég sammála þér...

[Grumpa, 28.7.2007 kl. 00:06]

þar sem ég er í mjög dönnuðum og virðulegum whiskyklúbbi með Skúla vini mínum hérna þá ætti hann að þekkja það af eigin raun að ég má ekki vamm mitt vita og allt sem ég var að tala um þekki ég bara af afspurn. Aldrei kynnst þesskonar fólki eða lifnaðarháttum. Aldrei, segi ég!!