Pylsur

Hér með er það ákveðið, ég ætla ALDREI að borða pylsur aftur! Og hvers vegna, svona fyrir utan það að þær eru með óhollari matvælum sem hægt er að setjaofan í sig? Ef þið lítið á myndina hér til hægri þá er þetta stækkuð mynd af innvolsinu í venjulegri vínarpylsu. Einstaklega girnilegt finnst ykkur ekki?! Get bara ekki beðið eftir að skúffa þessu lostæti niður með remolaði og steiktum þar sem hver munnbiti inniheldur jafn mikla fitu og 8 manna afrísk fjölskylda borðar yfir árið...eða ekki.

Eftir að hafa séð þessa mynd fór ég að grenslast fyrir um hvað væri eiginlega í pylsum. Og viti menn, kom ég ekki auga á innihaldslýsinguna prentaða í örlitlu letri aftan á límmiðann á pylsupökkunum. Með hjálp stækkunarglers gat ég lesið það sem þar stóð og ykkur til fróðleiks kemur innihaldslýsingin hér:

-vottur af gyltukjöti   

-sauðaspik

-hakkaðir selsskrokkar

-18 gamlar ær

-kýrjúgur

-bananabris

-loðnumjöl

-hákarlalýsi

-amínónatríumsúlfat

-asbestusoxódíð

-herpisum nítrat

-fungus humongus

-rotvarnarefni

-sóttvarnarafni

-fúgavarnarefni

 

Og ég vil ekki vit hvað er í salamí og spægipylsu!!                                        

Athugasemdir

[Haukur Viðar, 5.9.2007 kl. 01:11]

En svona í alvöru þá er þetta mestmegnis kjötafskurður og svínaspekk sem fer í þetta. Vann einu sinni í kjötvinnslu og þurfti að skera neongrænu graftarkýlin af spekkinu

[Gösli (IP-tala skráð) 5.9.2007 kl. 14:18]

Eina með öllu takk!!!

[Linda Ásdísardóttir, 8.9.2007 kl. 00:34]

Grumpa er að norðan og henni leyfist hvað málkenjur sem er og það sama á við um matarvenjur hennar. Sérviska er hennar fag.

[Íris Ásdísardóttir, 8.9.2007 kl. 22:22]

Ok. This is it!!! Nú hætti ég með öllu að borða pulsur eftir að hafa séð þessa viðbjóðsmynd........sem minnir mig á að spyrja þig Grumpa mín, hvaðan í ósköpunum dregur þú upp svona mynd??? Gúgglaru pulsuna?? Ég var nefnilega hætt að borða pulsur eftir að hafa heyrt að þær væru fullar af ógeði, en svo leyddi eitt af öðru og ég var farin að fá mér eina með sinnepi og remúlaði....uss og svei....

[Monopoly (IP-tala skráð) 9.9.2007 kl. 22:10]

Það er greinilegt að Grumpa hefur nógan tíma víst hún hefur tíma til að lesa innihaldslýsingar á matvælum - Grumpa GET A LIFE

[Thelma Ásdísardóttir, 10.9.2007 kl. 23:19]

Og af hverju í veröldinni ætti maður að stækka mynd af innihaldi pulsunnar??? Stundum er bara réttast að loka bara augunum á meðan maður bítur í :)

Annars hef ég pínugrun um að Grumpa hafi ekki farið alveg rétt með innihaldslýsinguna...hmmm... hvað er til dæmis herpisum nítrat? Eða Bananabris? Grumpa hvað var það að gera í pulsunni þinni? :)